Հայտնի են դարձել «Ինտերի» դարպասապահ Մարտինեսի մասնակցությամբ տեղի ունեցած մահացու վթարի մանրամասները։

«Ինտերի» դարպասապահ Խոսեպ Մարտինեսը , ով իր մեքենայով մահացու վրաերթի էր ենթարկել էլեկտրական անվասայլակով 81-ամյա տղամարդու, արագությունը չէր գերազանցում, և նրա օրգանիզմում ալկոհոլ կամ թմրանյութեր չեն եղել, տեղեկացնում է` «La Gazzetta dello Sport»-ը։

Աղբյուրի տրամադրած տվյալների համաձայն, ճանապարհի այն հատվածը, որտեղ տեղի է ունեցել վթարը, համարվում է վտանգավոր տարածք: Մայրուղու այս հատվածը բազմաթիվ վթարների վայր է եղել, այդ թվում՝ լուրջ: Այս հատվածում արագության սահմանափակումը 70 կմ/ժ է, և Մարտինեսի մոտ արագության գերազանցում չի հայտնաբերվել:

Ֆուտբոլիստը սկզբում տեղափոխվել է Սարոննոյի հիվանդանոց՝ ալկոհոլի և թմրանյութերի թեստերի համար, որոնք երկուսն էլ բացասական արդյունք են ցույց տվել: Այնուհետև նա մի քանի ժամ ցուցմունք է տվել Լոմացոյի ոստիկանական բաժանմունքում՝ ակումբի կողմից տրամադրված փաստաբանի ներկայությամբ: Զեկույցում ներառված են նաև նրա հետևում մեքենայում նստած երկու կանանց ցուցմունքները. երկուսն էլ հաստատում են Մարտինեսի վկայությունը:

Դեպքի հետաքննությունը կտևի մի քանի ամիս, որի ընթացքում դարպասապահը կդատապարտվի ճանապարհատրանսպորտային պատահարի հետևանքով մարդասպանության համար: Այս մեղադրանքը նախատեսում է երկուսից յոթ տարվա ազատազրկում: Սակայն, եթե ապացուցվի, որ զոհի վարքագիծը անկանխատեսելի է, գործը կկարճվի:

Հիշեցնենք, որ «Ինտերի» դարպասապահի մասնակցությամբ վթարը տեղի է ունեցել երեքշաբթի՝ հոկտեմբերի 28-ի առավոտյան, Կոմո նահանգում: Նախնական տեղեկությունների համաձայն՝ տարեց տղամարդը, հնարավոր է, վատ է զգացել և դուրս է եկել ճանապարհ, որտեղով ընթանում էր Մարտինեսի մեքենան: Ֆուտբոլիստը անմիջապես փորձել է օգնություն ցուցաբերել վիրավոր տղամարդուն: