ՄԲԱՊԵՆ ԵՂԲՈՐ ԳՈԼԻ ՄԱՍԻՆ

Մադրիդի «Ռեալի» հարձակվող` Կիլիան Մբապեն ներկա է գտնվել Լիգա 1-ի 7-րդ տուրի «Լիլ» - «Պարի Սեն Ժերմեն» խաղին: «Լոս Բլանկոսի» հարձակվողի կրտսեր եղբայրը՝ Իթան Մբապեն, գոլ է խփել 85-րդ րոպեին՝ հավասարեցնելով հաշիվը 1:1: Իթանի գոլից հետո տեսախցիկները ֆիքսեցին Կիլիանի ուրախությունը։ Ֆրանսիացին տոնեց «Լիլի» մնացած երկրպագուների հետ միասին։

Հիշեցնենք, որ Կիլիան Մբապեն ՊՍԺ-ի գույները պաշտպանել է 2018-ից 2024 թվականներին։ Ֆրանսիացի հարձակվողը փարիզյան ակումբի կազմում անցկացրել է 308 հանդիպում բոլոր մրցաշարերում՝ դարձել 256 գոլի և 110 գոլային փոխանցման հեղինակ: «ՊՍԺ»-ի հետ Մբապեն վեց անգամ նվաճել է Ֆրանսիայի չեմպիոնի տիտղոսը։