SPORTSWORLD.AM
«Բարսելոնայի» գլխավոր մարզիչ` Հանս-Դիտեր Ֆլիկը մեկնաբանել է իր թիմի պարտությունը Իսպանիայի Պրիմերայի 8-րդ տուրում «Սևիլյայի» դեմ խաղում։ «Կատալոնացիները» պարտվել են 1:4 հաշվով։
«Մենք պետք է ընդունենք այս պարտությունը և նայենք դրական կողմերին։ Առաջին խաղակեսում մենք շատ սխալներ թույլ տվեցինք, բայց երկրորդում կարողացանք արձագանքել։ Հոկտեմբերին կայանալիք միջազգային ընդմիջումը լավ կլինի մեզ համար։ Երբ խաղացողները վերադառնան միջազգային պարտականություններից, մենք կաշխատենք նրանց օգնել վերականգնել իրենց լավագույն մարզավիճակը։
«Մենք խաղում ենք անհավանական ակումբի և երկրպագուների համար, ովքեր հիասթափված են այս պարտությունից։ Բայց մենք պետք է հաշտվենք դրա հետ և շարժվենք առաջ։ Առաջին խաղակեսը լավը չէր. նրանք շատ ագրեսիվ էին մեն-մենակ խաղում, և մենք չկարողացանք լուծում գտնել։ Երկրորդ խաղակեսն ավելի լավն էր, բայց «Սևիլյան» ավելի շատ գոլեր խփեց... Այս պարտությունից հետո կարևոր է միասնական մնալ։ Մենք լավ թիմ ենք, և երբ վերադառնանք միջազգային ընդմիջումից հետո, կպայքարենք յուրաքանչյուր տիտղոսի համար», - ասել է Ֆլիկը՝ «Բարսելոնայի» պաշտոնական կայքին տված հարցազրույցում: