Պոստեկոգլուի ապագան Նոթինգհեմ Ֆորեսթում կարող է որոշվել Նյուքասլի հետ հանդիպումից

«Նոթինգհեմ Ֆորեսթի» մարզիչ Անջելոս Պոստեկօղլուի ապագան կարող է հարցականի տակ լինել՝ կախված Պրեմիեր լիգայի 7-րդ տուրի՝ «Նյուքասլի» դեմ արտագնա խաղի արդյունքից, տեղեկացնում է` BBC-ն։

Աղբյուրի տվյալներով, չնայած չորս պարտություններից և երկու ոչ-ոքիներից հետո ղեկավարության աջակցությանը, «կաչաղակների» հետ խաղը կարող է վճռորոշ լինել 60-ամյա մասնագետի աշխատանքը գնահատելու համար։

Հիշեցնենք, որ Անջելոս Պոստեկօղլուն «Նոթինգհեմ Ֆորեսթ»-ը գլխավորում է սեպտեմբերի 9-ից` փոխարինելով` Նունու Էշպիրիտու Սանտուին։ Նրա նշանակումից ի վեր «Ֆորեսթերս»-ը բոլոր մրցաշարերում անցկացրել է վեց հանդիպում՝ կրելով չորս պարտություն և գրանցել երկու ոչ-ոքի։ Անգլիական թիմը դուրս մնաց Լիգայի գավաթից և չի հաղթում Եվրոպա լիգայում։ Պրեմիեր լիգայում Պոստեկօղլուի թիմը հինգ միավորով զբաղեցնում է 17-րդ տեղը։