«Բարսելոնայի» նախկին նախագահը մեղադրվում է Մալկոմի և Գրիզմանի տրանսֆերների հետ կապված խարդախության մեջ

«Բարսելոնայի» նախագահ` Ժոան Լապորտան մեղադրել է ակումբի նախկին նախագահ` Խոսեպ Բարտոմեուին , բրազիլացի թևային Մալքոմի և ֆրանսիացի հարձակվող Անտուան Գրիզմանի տրանսֆերների ֆինանսական չարաշահումների մեջ: Cadena Ser-ի տվյալներով՝ «Բարսելոնայի» նախկին նախագահը ցուցմունք կտա հոկտեմբերի 24-ին:

Մեղադրական եզրակացության համաձայն՝ Խոսեպ Բարտոմեուն արհեստականորեն մեծացրել է որոշակի տրանսֆերների միջնորդավճարները, որոշ միջոցներ փոխանցելով կեղծ ընկերություններին։ Որպես օրինակ նշվում է Մալքոմի տրանսֆերի համար 10 միլիոն եվրոյի միջնորդավճարի փոխանցումը, որի պայմանագիրը կնքվել է փոխանցումից շատ ժամանակ անց։

Խոսեպ Բարտոմեուն «Բարսելոնայի» նախագահ է եղել 2014 թվականի հունվարից մինչև 2020 թվականի հոկտեմբերը ընկած ժամանակահատվածում: Նախկինում  եղել է փոխնախագահ և տնօրենների խորհրդի անդամ։